Ishyaka UDPR riri mu yemewe mu Rwanda, ryatangaje ko mu matora y’Umukuru w’Igihugu ya 2024 ritazatanga Umukandida ahubwo ko rizashyigikira uzatangwa n’Umuryango wa FPR Inkotanyi ari we Perezida Paul Kagame.
Iri shyaka ryafashe iki cyemezo kuri iki Cyumweru tariki 21 Kanama 2022 mu Nteko Rusange yaryo yayobowe na Perezida waryo, Hon Pie Nizeyimana.
Hon Pie Nizeyimana yemeje ko imyanzuro yafatiwe muri iyi Nteko Rusange y’Ishyaka ayoboye, yemeje ko mu matora y’Abadepite azaba umwaka utaha, rizifatanya na FPR Inkotanyi nkuko risanzwe ribigeza.
Yakomeje agira ati “Mu matora ya Perezida wa Repubulika na bwo, Kongere y’Igihugu yafashe umwanzuro ko muri 2024 Ishyaka UDPR rizashyigikira Umukandida wa RPF byumwihariko Nyakubahwa Kagame Paul.”
Avuga ko bafite impamvu nyinshi zo gushyigikira umukandida uzatangwa na FPR Inkotanyi ari we Perezida Paul Kagame kuko kugeza ubu ari we Munyarwanda ukomeje gukora ibikorwa by’indashyikirwa kurusha abandi.
Yavuze ko byumwihariko harimo kuba yaragize uruhare mu kugarura amahoro mu Bihugu binyuranye byagiye birangwamo n’ibibazo by’umutekano mucye nko muri Mozambique, muri Repubulika ya Santarafurika no muri Sudani y’Epfo.
RWANDATRIBUNE.COM
