Umutwe wa M23 wafashe umujyi wa Kitshanga wari umaze iminsi uberamo imirwano ikomeye, uwambura FARDC n’abambari bayo barimo FDLR n’abacanshuro, unerekana ibikoresho bwabambuye birimo intwaro zikiri nshya.
Abarwanyi b’uyu mutwe binjiye Kitshanga ku mugoroba wo kuri uyu wa Kane tariki 26 Mutarama 2023, nyuma y’iminsi ibiri y’urugamba rushyushye, aho FARDC n’imitwe bafatanyije ndetse n’abacanshuro bari bihagazeho banze gusubira inyuma.
Gusa kuri uyu wa Kane, imbaragaza zabashiranye, FARDC n’abacanshuro babona ko baneshejwe bahitamo kuyabangira ingata bava muri Kitshanga yose yahise ifatwa na M23.
Abarwanyi ba M23 bagaragaye binjira muri uyu mujyi, bagana ahantu hari haherutse kwifotoreza abasirikare ba FARDC aho bavugaga ko bakigenzura Kitshanga.
Umwe mu barwanyi ba M23, yavuze ko bishimiye kuba bafashe Kitshanga, bagashimira Imana yabibafashijemo.
Agera aho akavuga ati “Dufashe Kitshanga tuje guhagarika Jenoside, twe turashaka guhashya umwanzi, tukazana amahoro, tugahagarika Jenoside.”
Uyu mutwe wa M23 kandi wagaragaje ibikoresho wafashe wambuye abasirikare ba FARDC ndetse n’abo bakorana, birimo imbunda n’ibisasu biremereye birimo n’ibikiri bishya bigifunitse mu mashashi.
RWANDATRIBUNE.COM
Aba bahungu ba M23 barashimishije. Batwibutsa ubutwari bwarangaga abakurambere b’abanyarwanda bakera, kugeza na nubu. Courage basore beza, murwanye izo nkoramaraso, Imana iri mu ruhande rwanyu.
God is with you guys.God will guide you
to fight those Genociders who are killing your parents.You will gain victory . keep it up intare za sarambwe