Mu mahangaNyamukuruUbuzima

Amerika: Umuntu wa mbere yishwe na Coronavirus

Leta Zunze Ubumwe z’Amerika zatangaje ko umuturage wazo wa mbere yishwe na coronavirus imbere mu gihugu, muri leta ya Washington.

Abayobozi bavuze ko uwo murwayi wapfuye ejo ku wa gatandatu yari umugabo wo mu kigero cy’myaka 50 wari ufite n’ubundi burwayi.

Perezida Donald Trump yavuze ko “bishoboka” ko hari abandi bantu banduye ubu bwoko bushya bwa coronavirus bazaboneka, ariko yongeraho ko igihugu cyiteguye uko byagenda kose.

Kuri iki cyumweru, ibihugu bya Australia na Thailand nabyo byatangaje abantu ba mbere bishwe na coronavirus.

Umugabo w’imyaka 78 wo muri Australia yamwishe nyuma yo kuyandura mu kwezi gushize ayanduriye mu bwato Diamond Princess buparitse ku cyambu cyo mu Buyapani.

igihugu cya Thailand kirimo abantu 42 banduye iyi virus, cyatangaje ko umugabo w’imyaka 35 wishwe na coronavirus yari arwaye n’indwara yo kubabara mu mitsi no mu ngingo iterwa n’imibu, indwara yitwa ‘dengue fever’.

 

 

Ni inkuru ya BBC

Soma Inkuru

Leave a Reply

Your email address will not be published. Required fields are marked *

Back to top button
Close