Umunyepolitike Jéremie Minani usanzwe ayoboye ihuriro ry’amashyaka atavuga rumwe n’ubutegetsi bw’ u Burundi, aharanira Demokarasi n’ubumwe bw’Abarundi yatangaje ko aziyamamariza kuyobora igihugu muri manda y’amatora ataha ateganijwe muri 2027.
Uyu munyepolitiki kandi avuga ko ishyaka rye niriramuka ritsinze amatora yo kuyobora igihugu cy’ u Burundi bazahita bakuraho inteko ishingamategeko umutwe wa Senat kuko udakenewe mu Burundi nkuko bikubiye mu itangazo iryo shyaka ryasohoye ku tariki 10 Nyakanga 2024.
Ihuriro ry’ amashyaka aharanira Demokarasi n’ubumwe bw’abarundi ritangaza kandi ko umutwe wa Sena udakenewe mu Burundi kuko utakaraho amafaranga menshi, bityo ko numara kuvaho amafaranga wagenerwaga azashyirwa mu bindi bikorwa by’iterambere ry’igihugu
Ni nyuma y’uko aherutse nanone gutangaza ko atagiciye ukubiri ukubiri n’ishyaka riri ku butegetsi CNDD-FDD akemera ubutegetsi buyobowe na Evariste Ndayishimiye ubwo hari ku itariki 31 Werurwe 2024.
Uyu munyepolitike Jéremie Minani uyoboye ihuriro ryamashyaka aharanira Demokarasi n’ubumwe bw’abarundi yaraye atangaje ko agiye gutahuka akagaruka mu gihugu kugirango abone uko azahatana mu matora y’umukuru w’igihugu azaba mu mwaka wa 2027.
Nkuko biri mw’itangazo ry’ iryo shyaka ryo kuwa 10 Nyakanga 2024, iryo shyaka ritangaza ko mu matora y’abadepite yo muri 2025 ishyaka rizahagararirwa n’abantu 100, 70 muri bo akaba ari ababa imbere mu gihugu naho 30 basigaye akaba ari abakiri mu buhungiro.
Rwandatribune.com
