Connect with us

amateka & umuco

Ese waba uzi impamvu Osama ben Laden yashyinguwe mu Nyanja?

Published

on

Hashize imyaka irenga icumi  Leta Zunze ubumwe za Amerika zikoze Operasiyo yiswe Neptune Spear wiciwemo  Osama bin Laden wahoze ayobora umutwe  w’Iterabwoba wa Al-Qaeda.

Iyi Operasiyo yakozwe n’ingabo za Amerika zari zibumbiye mu tsinda rya Navy Seals ikorerwa ku butaka bwa Pakistan .

Osama yishwe ku tariki ya 2 Gicurasi 2011, yicwa n’ ingabo z’Amerika zari zagabye igitero ku kigo cya Abbottabad, umujyi Bin Laden yari yihishemo. Nyuma yo kumwica ,Abategetsi b’ Amerika bamushyinguye umurambo we mu nyanja.

Raporo z’ibitangazamakuru mpuzamahanga zerekana ko kugirango Amerika ihitemo uburyo bwo gushyinguramo Osama Bin Laden wahoze ari umuyobozi wa al- Qaeda mu Nyanja, yarebye ku mpamvu za politiki, idini ndetse n’ibikorwa bifatika.

Gusa ibisobanuro bya Guverinoma y’Amerika ku mpamvu itashyinguye Ben Laden mu butaka bigenda bivuguruzanya, kuko Abayobozi b’Abanyamerika bo babwiye itangazamakuru ko Amerika idashaka ko agira imva y’umubiri, kubera gutinya ko izafatwa nk’urusengero n’abayoboke be.

Advertisement

Bikekwa kandi ko Arabiya Sawudite, ari naho Bin Laden yavukiye,  yanze kwakira umurambo we yirinda ko imva ye yaba ikimenyetso kubayoboke be.

Ibindi byashobokaga harimo ko yashyingurwa mu majyaruguru y’uburengerazuba bwa Pakisitani, aho yiciwe, ariko nabyo ntibyari kuba byiza kuko naho iyo mva yagombaga gufatwa nk’ibimenyetso gikomeye mu karere k’isi.

Muri iki kibazo, kugira ngo imva ya Ben Laden ntibe ikimenyetso cy’abayoboke be, abayobozi bafashe icyemezo cyo kumushyingura mu nyanja.

Abayobozi bemeje kandi ko gushyingura byakozwe hakurikijwe imigenzo ya kisilamu kandi harimo no koza umurambo no kuwupfunyika mu mwenda wera. Byongeye kandi, umusemuzi w’icyarabu yakoze isengesho ry’imihango maze Bin Laden ahambwa mu masaha 24 nyuma y’urupfu rwe.

Ku rundi ruhande, abahanga benshi barwanyije igitekerezo cy’abategetsi b’Amerika ku buryo bwo gushyingura. Bamwe bavuze ko gushyingura mu nyanja bigomba gukorwa ari uko umuntu apfiriye mu nyanja. Bitabaye ibyo, umurambo ugomba gushyingurwa mu butaka n’umutwe werekeza i Maka.

Advertisement

Nk’uko Minisiteri y’Ingabo ibitangaza, umuhango wo gushyingura Bin Laden wabereye mu bwato bunini bw’indege zirwanira mu mazi, kandi abantu bake gusa ni bo bari bitabiriye iyo mihango.

Amashusho y’umubiri yagizwe ibanga Nyuma y’urupfu rwe, abayobozi bagiye impaka niba bagomba gushyira ahagaragara amafoto cyangwa amashusho y’umurambo wa Bin Laden kugira ngo barwanye inyigisho z’ubugambanyi zivuga ko Bin Laden yari akiri muzima.

Kuri televiziyo, Perezida Obama yagize ati: “Ni ngombwa kuri twe kumenya neza ko amafoto agaragaraza ko Ben yarashwe mu mutwe atazenguruka kugira ngo adahinduka ubukangurambaga ku ihohoterwa cyangwa akaba igikoresho cya poropagande ”

Uwineza Adeline

Advertisement
Advertisement
1 Comment

1 Comment

  1. rutebuka

    November 25, 2022 at 3:35 pm

    Ikibabaje nuko ibi byihebe byica abantu bivuga ko bikorera imana yabyo Allah.Kumenya aho ubutagondwa bwaturutse biroroshye.Nkuko History ibyerekana,n’Intumwa Muhamadi yakundaga kurwana.Kimwe mu bitero bikomeye Muhamadi yayoboye kitwa “The Battle of Badr” cyabaye le 15/03/624,kuli 287 km uvuye I Macca.Amaze gushinga idini ya Islam,abamusimbuye nabo bali intagondwa.Bagabye ibitero byinshi muli Aziya,muli Africa no mu Burayi,bagarukira ahitwa Poitiers muli France.Uwangaga kuba Umuslamu,baramwicaga cyangwa bakamuca umutwe.Niho ubutagondwa bwaturutse.Yesu wali umunyamahoro,yabujije abakristu nyakuli kurwana,abasaba gukunda n’abanzi babo.Ibi bituma wumva neza hagati ya Yezu na Muhamadi uwari Intumwa y’Imana nyakuli.

Leave a Reply

Your email address will not be published. Required fields are marked *

Copyright © 2022 Rwanda Tribune.