Minisitiri w’Intebe wa Uganda Robinah Nabbanja yavuze ko Uganda ikeneye perezida utari umusinzi, ni nyuma y’amafoto yagiye hanze perezida Museveni yagiye gusaba amazi yo kunywa mu rugo rw’umuturage.
Muri ayo mafoto, perezida Yoweri Kaguta Museveni Tibuhaburwa agaragara yicaye mu rugo rw’umuturage afite inkoni bigaragara ko avuye gusura inka bamwakirije igikombe cy’amazi.
Kuri Nabbanja, umukuru w’igihugu agomba kuba buri gihe intanga rugero mu myanzuro ifatwa, mubihe bikomeye.Yagize ati”Igihugu cyacu gikeneye umuyobozi utari umusinzi amasaha 24.Ntidukeneye kandi ntituzakenera umuyobozi w’umusinzi.”
Minisitiri w’intebe ibyo yabivuze atanga urugero kuri perezida Museveni ubwo yamushimiraga imihigo akomeje kwesa, mu gukemura ibibazo by’abanya-Uganda. Nabbanja agaragaza Perezida Museveni nk’umuntu ukora ibintu bye neza kandi mugihe gikwiye.
Perezida Museveni we ubwe yivugiye ko yaciye ukubiri n’ibiyobyabwenge kandi akomeje urugamba rwo kwigisha ibibi byo gukoresha ibiyobyabwenge.
Mudahemuka Camille
