Connect with us

Mu mahanga

Imirwano ikomeye  yubuye hagati ya M23 na FARDC ifatanyije n’abacancuro b’Abarusiya

Published

on

Rurambikanye mu birindiro bya M23 biri mu Bwiza, aho hifashishijwe na Burende z’indwanyi ziri kurwanishwa n’abacancuro ba Wagner.

Umunyamakuru wa Rwandatribune  uri mu mujyi wa Rutshuru ahasanzwe hagenzurwa na M23 muri Kivu ya ruguru avuga ko abaturage barimo guhunga iyi mirwano muri Kitchanga yumvikanamo imbunda ziremereye.

Mu itangazo amaze gushyira ahagaragara Lawrence Kanyuka, umuvugizi w’umutwe wa M23, yatangaje ko ingabo za leta “n’abacancuro bazo” bateye ibirindiro byabo muri Bwiza, Kitchanga no hafi yaho.

Ingabo za leta zirahakana kurwana zifatanyije n’abacancuro kandi leta ishinja umutwe wa M23 kwanga gushyira mu bikorwa amasezerano y’amahoro ya Luanda ategeka izo nyeshyamba gusubira inyuma zikarekura ibice zafashe.

Mu kiganiro gito amaze kugirana na Rwandatribune kuri telephone ,Umuvugizi wa wa FARDC muri Operasiyo Sokola II Lt.Col.Ndjike Kaiko yavuze ko inyeshyamba za M23 arizo zagabye  ibitero ku birindiro byazo.

Advertisement

Umujyi wa Kitchanga muri Rutshuru usanzwe igice kimwe cyawo kigenzurwa na M23 ikindi n’uruhande rwa leta, nk’uko byemejezwa n’isoko y’amakuru ya Rwandatribune iri muri ako gace.

Ally MWIZERWA
RWANDATRIBUNE.COM

Advertisement
1 Comment

1 Comment

  1. Semugazashyamba

    January 24, 2023 at 9:31 am

    Amahoro arahenda DRC niganire nabaturage bayo .gukoresha abacanshuro wica abaturage bawe n,ubugwari

Leave a Reply

Your email address will not be published. Required fields are marked *

Copyright © 2022 Rwanda Tribune.