Mu mahangaNyamukuruUbuzima

Kenya yanze kuvana abaturage bayo mu Bushinwa

Kenya yanze kuvana abaturage bayo mu Bushinwa

Leta ya Kenya yafashe icyemezo cyo kudakura abaturage bayo mu mujyi wa Wuhan mu Bushinwa ahaherutse kwaduka indwara ya Coronavirus imaze guhitana abantu barenga 2000.

Leta ya Kenya iravuga ko ahubwo iri butange imfashanyo y’amafaranga ku baturage bayo bashoberewe icyo gihugu.

Icyo cyemezo cyafashwe nyuma y’uko imiryango y’Abanyakenya barenga 100 bari mu Bushinwa biganjemo abanyeshuri, isabiye ko bakurwa muri icyo gihugu.

Umuvugizi wa Leta y’icyo gihugu Cyrus Oguna yavuze ko muri bo nta n’umwe wanduye iyo ndwara ariko ko baramutse babacyuye bishobora gushyira abo basanze mu kaga.

Ibihugu byinshi by’Afurika byahisemo kudakura abaturage babyo mu Bushinwa mu rwego rwo kwirinda gukwirakwiza iyo ndwara.

Ubucuruzi bukomeye buri hagati y’Ubushinwa n’Afurika butuma haba ingendo z’indenge nyinshi hagati y’iyo migabane. Ibyo bikomeje kongera icyoba ko byaha urwaho Coronavirus kugera muri Africa mu buryo bworoshye.

Kugeza ubu igikomeje gukorwa hirya no hino ku bibuga by’indege n’ugupima abagenzi bava mu mahanga mu rwego rwo gukumira iyo ndwara.

Ndacyayisenga Jerome

Soma Inkuru

Leave a Reply

Your email address will not be published. Required fields are marked *

Back to top button
Close