Akabari kamwe gaherereye i Nyamirambo mu Karere ka Nyarugenge mu Mujyi wa Kigali, kafashwe n’inkongi y’umuriro yatewe n’ikitaramenyekana.
Aka kabari kitwa Bauhaus, ni kamwe mu tubari tugezweho mu Mujyi wa Kigali by’umwihariko i Nyamirambo ahasanzwe hazwiho abanyabirori.
Bauhaus kandi ni akabari kamaze kubaka izina cyane kubera ibitaramo by’ijoro bihabera bizwi nk’Igisope aho benshi mu batuye mu mujyi wa Kigali bakaziho uyu mwihariko.
Aka kabari kafashwe n’inkongi ku mugoroba wo kuri uyu wa Kane tariki 12 Gicurasi 2022 ahagana saa kumi n’ebyiri z’umugoroba.
Abari hafi y’aka kabari, bavuze ko babonye umuriro uturuka mu gisenge cy’inzu ikoreramo aka kabasi, mu kanya gato umuriro ugasakara mu nzu yose aho wahise unazamuka ari mwinshi.
Ishami rya Polisi rishinzwe kuzimya inkongi, ryihutiye kuhagera rinazimya uyu muriro utarakwira henshi ndetse utarafata izindi nyubako zegereye aka kabari.
RWANDATRIBUNE.COM
