Connect with us

Nyamukuru

Ubuhanuzi :Umwami mushya  mu Bwongereza ,Umutegetsi ukomeye mu Burasirazuba n’ibigiye kuba muri Amerika

Published

on

Ubuhanuzi bukubiye mu mizingo  ibiri b’ibitabo  bya Michel de Nostredame uzwi nka Nostradamus mu cyiswe ‘The Complete  Prophecy  for The Future n’icyiswe ‘Prophecy of  Nostradamus ‘ ndetse  n’ubw’Umunya-Brigaliyakazi  Baba Vanga , bugaruka ku rupfu rw’Umwamikazi w’u Bwongereza ,Umwami uzamusimbura ndetse  n’umutegetsi ukomeye  ugiye kwaduka mu Burasirazuba bw’Isi akazakundwa cyane.

Muri iyi nkuru  nka Rwandatribune  tugiye kubagezaho  bumwe mu buhanuze bwa Nostradamus  bivugwa ko yahanuye kuri uyu mwaka  wa 2023, tugaruke no ku buhanuzi bw’Umunya-Brigaliakazi  wahumye  mu buryo budasobanutse kubera inkuba ,Baba Vanga  benshi bizera ko burimo ukuri runaka  nawe hari ibyo yavuze kuri  uyu mwaka aho yemeza ko kubera  ibura ry’ibiribwa abantu bazarya abandi.

Mu mutumba w’Igitabo   Nostradamus yise   ‘The Complete Prophecy  for the Future’  niho harimo  urupfu rw’Umwamikazi w’u Bwongera aho yemeje ko  rwari kubanzirizwa no gushwanyagurika k’umuryango w’u Bwami  ugasa naho utatanye kandi byarabaye.

Muri iki gitabo  Nastradamus  yemeje ko  Umwamikazi azatanga mu 2022 nta gushidikanya, ikindi kandi kivuga ko Umwami  uzamusimbura , Charles wa Gatatu ariwe  uriho  ubu  atazishimirwa na Rubanda ndetse bazamwigumuraho kandi na rubanda  rugatandukana n’ubwami ndetse ko azasimburwa  gusa  ugomba kumusimbura nawe ntabwo azabyemera  kuko n’abaturage b’u Bwongereza batazamucira akari  urutega ahubwo ko umuntu usa naho yaciriwe kure cyane hakurya iyo mu birwa  niwe uzaza yime Ingomba  kandi iganze mu Bwami bw’u Bwongereza kandi abaturage bongere kunga ubumwe.

Uyu muntu uzima Ingoma usa n’uwaciwe  ngo nta muntu n’umwe watekereza ko  byabaho , nubwo izina rye ritari mu buhanuzi  , abasesengura bavuga ko nta gushidikanya uyu muntu ari Prince Harry  utakibariza mu Bwami bw’u Bwongereza  usa n’uwaciwe aho aherutse gushyira  hanze igitabo  agaruka ku  buryo yakubiswe na Mukuru we Prince  William  no kutavuga rumwe hagati y’abagore babo byaje  gutuma ava mu muryango w’I Bwami.

Advertisement

Mu cyiswe ‘Prophecy   Of  Nostradamus , uyu muhanuzi avuga ko mu Burasizuba bw’Isi (Ubushinwa, Ubuyapani, u Buhinde,  Ukraine n’u Burusiya)  hazaduka umutegetsi , uzaba  igikomerezwa , ubutegetsi bwe buzunga amahanga  yari yaritatanyije   kandi buzaba  ntamakemwa ,azakundwa  n’abantu bose , azazana  amahoro ku Isi  kandi azategeka igihe kirekire cyiganjemo  uburumbuke (Biri mu gika cya 8 Uhereye ku mukarago wa 23 w’ubuhanuzi bwe ).

Muri ibi bice rero  ngo niho hazaduka  umutegetsi uzazana amahoro mu Isi  kandi agakundwa na benshi  nyuma y’ibihe bibi kandi  bikazaba muri uyu mwaka wa 2023.

Muri uyu mwaka wa 2023  kandi  hazagaragara akaduruvayo muri Leta Zunze Ubumwe za Amerika  bitewe  no kwangirika k’ubuzima muri rusange  kubera  ikiguzi cyabwo gihenze  aho bizabyara akavuyo bigashyirwa ku mutwe w’ubutegetsi buriho.

Imyaka 500 igiye gushira , uyu mugabo ashyize hanze imizingo y’ibitabo byinshi  harimo ibyo twavuze haruguru, niwe muhanuzi bemeza ko ibyo yavuze atigeze yibeshya  na gato, ni we muhanuzi  bavuga ko yaba yarahanuye ibizaba hafi ya buri mwaka  uhereye mu gihe yatangiriye kubikoreraho.

Nostradamus yahanuye  Impinduramatwara zo mu Bufaransa, ivuka rya Leta Zunze ubumwe za Amerika,intambara z’Abongereza n’Abafaransa muri Amerika  mu myaka 100, Intambara ya mbere  n’iya Kabiri y’Isi, ivuka ry’ibihangange nka Adolfe Hitler, akaga k’inzara mu  Bushinwa yahitanye  abarenga Miliyoni 57 , ibitero by’iya 11 Nzeri muri Amerika , yarahanuye agera naho avuga amazina y’umuntu nka Nicolas Salkozzy  wategetse  Ubufaransa.

Advertisement

 

 

 

 

Advertisement
Advertisement
Tanga igitekerezo

Leave a Reply

Your email address will not be published. Required fields are marked *

Copyright © 2022 Rwanda Tribune.