Connect with us

inkuruyumunsi

UBUTASI: Ibihano bishya ku  Bacancuro  bitabajwe na Tshisekedi ushobora kwisanga ku rutonde

Published

on

Leta Zunze Ubumwe za Amerika   zatangaje ko zigiye gufatira  ibihano bishya  umutwe w’Abacancuro b’Abarusiya wa Wagner ,ufite abarwanyi mu bihugu bitandukanye birimo  Repubulika Iharanira Demokarasi ya Congo  aho bagiye gufasha ingabo z’iki gihugu  kurwanya  umutwe wa M23.

Perezidansi ya Amerika (White House  ) yatangaje ko  uretse  uyu mutwe ngo n’abawushyigikiye nabo bagiye gufatirwa ibihano  ndetse ko uyu mutwe  ugiye kwitwa   ‘Ishyirahamwe  ry’inkozi  z’ibibi ndengamipaka.

Ibi byashimangiwe n’Umuvugizi  w’urwego rw’Umutekano wa Amerika , John Kirby mu kiganiro yagiranye n’abanyamakuru  kuri uyu wa Gatanu tariki 20 Mutarama 2023, aho yashimangiye ko  uyu mutwe  ukora amahano   muri Ukraine  ndetse n’ahandi ku Isi ufite abarwanyi.

John Kirby   yemeje ko 80%  y’abarwanyi  b’abacancuro ba Wagner  bavanwa mu magereza bityo ko kuba Amerika  iwuhaye iri zina rishya   bizayishoboza  kuwufatira ibihano bikakaye  kurushaho  ku bw’ibyo wakoreye  muri Syria,Libya,Centraffrique n’ahandi.

Yakomeje avuga ko  uyu mutwe  usigaye  uhangana n’ingabo z’ibihugu  bitandukanye igaruka no mwuka mubi  ukomeje gututumba hagati y’u Burusiya  n’umuherwe  Yevgeny Prigozhin  washinze  Wagner , akaba n’inshuti itavugwaho rumwe  ya Perezida Valdimir Putin

Advertisement

Kirby  avuga ko   inzego z’ubutasi za Amerika  zifite  amafoto  agaragaza Gari ya Moshi  zinjira muri  Koreya ya Ruguru  aho bivugwa ko  zapakiye  ibisasu  bya roketi  na misile by’ingabo zirwanira ku butaka  nyuma  bigakoreshwa  n’abacancuro ba Wagner.

Ati: “Tuzakora  ibishoboka byose  kugira ngo tumenye ,duce intege ndetse dushyire ku mugaragaro kandi  twihanangirize  abo bose bafasha Wagner.

Amerika yemera ko kuvana intwaro  muri Korea ya Ruguru ari ukurenga ku ngingo z’ibihano z’urwego rwa  ONU rushinzwe  umutekano ndetse ko ayo makuru y’iperereza ubu yarahawe abo muri urwo rwego  bashinzwe  ibihano kuri Korea ya Ruguru.

Ati“Twiteze ko [Wagner] izakomeza  kubona  intwaro zo muri Korea ya Ruguru’’

‘’Birumvikana ko twamagana ibikorwa bya Korea ya Ruguru kandi dusaba Korea ya Ruguru guhagarika guha izi  ntwaro  Wagner ubwo nyine  kandi tugiye  kurushaho  gufatira ibihano uwo mutwe  ubwawo.”

Advertisement

Prigozhin   washinze  Wagner  yasabwe  kugira icyo avuga ko bihano yafatiwe na Amerika  n’ibyatangajwe n’ubutasi  ariko ntihagira icyo abivugaho nk’uko bitangazwa n’Ibitro ntaramakuru by’Abongereza  Reuters.

Abanyamerika batekereza  ko intwaro zo   muri Korea ya ruguru nta  ngaruka zagize  cyane   ku rugamba muri Ukraine, aho abarwanyi  ba Wagner 50.000  bagize uruhare  rukomeye  mu bikorwa by’Uburusiya byo  kugerageza kwigarurira Umujyi wa Bakhmut mu Majyaruguru ya  Ukraine.

Aha ingabo za Ukraine zivuga ko abarwanyi ba Wagner bahatakarije cyane nyuma yo guhatirwa kugumya  bigira  imbere mu karere kagaragara kandi barimo  bararaswa.

Muri  Nzeri ,2020, Wagner yarafatiwe ibindi bihano na  Amerika inyuma y’uko  abategetsi bavuze ko ikoreshwa kugira ifashe Prigozhin wayishinze   kwigwizaho imitungo  abicishije mu mabuye y’agaciro  acukurwa muri  Sudani y’Epfo  na   Centrafrique.

Abategetsi ba Amerika bavuga ko Prigozhin ashobora kuba yarashoye ingabo ze ku rugamba rwa Bakhmut kugira agenzure  ahacukurwa umunyu na gypsum/gypse muri ako karere.

Advertisement

Umutwe wa Wagner  ufite  abacancuro 100 bitabajwe na Perezida wa Repubulika Iharanira Demokarasi ya Congo  , Felix Tshisekedi aho bamaze kugera  muri iki gihugu, hari amakuru avuga ko  uku kwezi  turimo kuzarangira  hamaze kuza  abacancuro 300.

Leta ya Kinshasa iherutse guhakana ibyo kwitabaza  aba bacancuro  mu rugamba rwo kurwanya  M23 , ivuga ko  ari abarimu baje kongerera ubumenyi ingabo za FARDC, gusa umutwe wa M23 wo washimangiye ko  aba bancacuro  batangiye kuwuwanya ndetse ushyira hanze  amafoto  yabo wivuganye.

Abacancuro ba Wagner bagaragaye mu Mujyi wa Goma bambariye urugamba

Perezida  w’u Rwanda , Paul Kagame  ubwo  yavugaga ku bacancuro b’Abarusiya bo mu itsinda rya Wagner bahawe ikiraka na Guverinoma ya Repubulika Iharanira Demokarasi ya Congo ngo bazanafasha iki gihugu gutera u Rwanda nk’uko byakunze kumvikana mu majwi ya Perezida wacyo Tshisekedi , yagize aati  “Nujya wumva ko ikibazo kirambirije ku bacancuro ujye umenya ko kabaye. Nibiza rero kuri twe guhangana n’abacancuro, twebwe rwose dufite ubushobozi burenze ubukenewe bwo guhangana n’abacancuro.

Abacancuro ni abantu b’imburamumaro udashobora gutegeraho amakiriro. Rero Ibihugu birambirije ku bacancuro mujye mumenya ko muri mu kangaratete.”

Avuga ko mbere na mbere iki Gihugu cyari gisanzwe kiri mu bibazo noneho hakiyongeraho no kuzana abacancuro “ikibazo kikuba inshuro nyinshi cyane, bikaba bibi kurushaho aho kuba byiza.”

Mu mirambo 85 y’abo ku ruhande rwa FARDC M23 iherutse kwivugana basanzemo uw’umuzungu

Amakuru avuga ko aba  Bacancuro  ba Wagner  bacumbikiwe muri imwe  muri Hoteli ziri mu Mujyi wa Goma aho barindiwe umutekano  mu buryo bukomeye  n’Abajepe ba Perezida  Tshisekedi.

 

Advertisement
Advertisement
Tanga igitekerezo

Leave a Reply

Your email address will not be published. Required fields are marked *

Copyright © 2022 Rwanda Tribune.