Connect with us

Mu mahanga

Umukoloneri wa FARDC wayoboye urugamba rwo guhashya M23 akaza gushinjwa gukorana nayo yapfuye

Published

on

Colonel Serge Mavinga wa FARDC wari uyoboye urugamba rwo guhanga na M23 muri Rutshuru akaza gutabwa muri yombi ashinjwa gukora n’uyu mutwe, yamaze gupfira muri gereza.

Uyu musirikare yapfiriye muri gereza ya Ndolo aho yari afungiye kuva mu kwezi k’Ukwakira umwaka ushize wa 2022.

Yatawe muri yombi n’urwego rw’ubutasi bwa FARDC, bumushinja gukorana na M23, ari nabwo yahitaga yoherezwa muri iyi gereza yapfiriyemo.

Amakuru y’urupfu rwe yamenyekanye kuri uyu wa Mbere tariki 23 Mutarama 2023 ariko ngo igisirikare cya Congo cyanze ko umuryango we ubonwa n’abo mu muryango we.

Hari amakuru kandi yemeza ko Colonel Serge Mavinga yaba yishwe n’igisirikare cya Congo ku bw’impamvu igicukumburwa.

Advertisement

Colonel Serge Mavinga yari ayoboye batayo izwi nka Jungle izwiho kuba yararwanya inkundura na M23, mu rugamba rwakomereyemo General Sultani Makenga.

RWANDATRIBUNE.COM

Advertisement
Tanga igitekerezo

Leave a Reply

Your email address will not be published. Required fields are marked *

Copyright © 2022 Rwanda Tribune.