Connect with us

Iyobokamana

Umupadiri muri Diyoseze ya Ruhengeri yateye umugongo igipadiri ngo arambiwe ubwirasi n’uburyarya

Published

on

Umusaseridoti wo muri Diyoseze ya Ruhengeri, yafashe icyemezo cyo gusezera ku bupadiri avuga ko yabyiyemeje nyuma yo kubura amaso akabona Kiliziya Gatulika irimo ubwirasi n’uburyarya.

Uyu mupadiri witwa Niwemushumba Phocas yasezereye mu ibaruwa yansitse tariki 06 Ukuboza 2022, ayigenera umushumba we Musenyeri Harolimana Vincent usanzwe ari umushumba wa Diyoseze ya Ruhengeri.

Niwemushumba Phocas yari amaze iminsi ari muri Autriche aho yari yarajyanwe n’amasomo, akaba ari na ho yandikiye iyi baruwa isezera ku muhamagaro we.

Yavuze ko aha yabaga i Burayi yafashe umwanya uhagije wo gusuzuma ku bikorerwa muri Kiliziya Gatulika.

Atii Igihe maze mu Burayi cyampaye umwanya wo gufungura amaso, kureba, gutekereza, gusesengura no gusenga Imana amanywa n’ijoro, no kumva ubuzima mu kuri kwabwo. Ndabamenyesha ko ntakiri mu murongo wo gushyigikira, mu budahemuka n’ubwitange uburyarya n’ubwirasi mwateje imbere mu migenzereze yanyu.”

Advertisement

Niwemushumba Phocas kandi yifashishije umurongo wa bibiliya Matayo 5 umurongo wa 20, agira ati “Kandi ndababwira ko gukiranuka kwanyu nikutaruta ukw’abanditsi n’ukw’Abafarisayo, mutazinjira mu bwami bwo mu Ijuru.”

RWANDATRIBUNE.COM

Advertisement
Tanga igitekerezo

Leave a Reply

Your email address will not be published. Required fields are marked *

Copyright © 2022 Rwanda Tribune.