Connect with us

Siporo

Yashatse gukina ku ngufu birangira yirukanywe ku kibuga

Published

on

Umukinnyi w’ikipe y’Ubwongereza Ben White yirukanwe muri Qatar  ahari kubera imikino y’igikombe cy’isi asubira i London mu gihugu cye,nyuma y’uko bivugwa ko yatonganye n’umutoza wungirije w’igihugu Steve Holland,bapfuye ko atahabwaga umwanya wo gukina.

White yavuye mu ikipe ya Three Lions aho ikorera imyitozo, Al Wakrah muri Qatar mu cyumweru gishize aho FA yavuze ko byatewe n’impamvu ze bwite ariko byaje kumenyekana ko byatewe no kwigaragambya kwe.

Uyu mukinnyi wa Arsenal ngo yarakajwe nuko atahawe umwanya na muke wo gukina kandi yarahamagawe ameze neza muri Arsenal.

Uyu ngo ntiyabashije kumvikana na bagenzi be bakinanaga bo bari bishimye ariko we agahinda kamumereye nabi.

Byaje guhumira ku mirari ubwo yashwanaga n’umutoza wungirije w’Ubwongereza imbere ya bagenzi be ahita azinga ibikapu aritahira.

Advertisement

Aba ngo bateranye amagambo nyuma y’aho White yari yanze kwitabira inama y’ikipe mbere y’uko bakina na USA.

Uyu nta segonda na rimwe yigeze agaragara mu Bwongereza mu mikino 3 yo mu itsinda B bwakinnye.

Amakuru avuga ko uyu mutoza wungirije yarakajwe nuko Ben White nta bumenyi na buke yari afite kuri Amerika bari bagiye guhura.

Ben White w’imyaka 25 amaze guhamagarwa mu Bwongereza inshuro 4 ariko gukina ntibiramuhira.

Uyu mukinnyi wasize bagenzi be ku kibuga ubu nawe ari gukurikiranira umupira kuri Televiziyo nk’abandi bose batigeze bagera ahari kubera iyi mikino.

Advertisement

Uwineza Adeline

Advertisement
Tanga igitekerezo

Leave a Reply

Your email address will not be published. Required fields are marked *

Copyright © 2022 Rwanda Tribune.