Umuyobozi w’ishyaka ritavuga rumwe mu gihugu cy’uBurundi Agathon Rwasa uyoboye ishyaka rya CNL (Conseille National pour la Liberté) akaba n’umukandida ku mwanya w’umukuru w’igihugu mu matora azaba mu kwezi kwa Gicurasi 2020 yahamagariye abamushyigikiye kuzirwanaho igihe cyose urubyiruko rushamikiye ku ishyaka rya CNDD FDD ruhuriye mu mutwe w’Imbonerakure rwaramuka rugize uwo rubuza kujya mu bikorwa byo kwiyamamaza.
Ibi yabivugiye mu Ntara ya Ngozi aho uyu mukandida yari yagiye gutangiriza ibikorwa bye byo kwiyamamariza kuyobora iki gihugu cy’u Burundi ngo asimbure Pierre Nkurunziza wari umaze imyaka 15 ayobora iki gihugu mu izina ry’ishyaka rya CNDD FDD.
Agathon Rwasa yagize ati:ntibashinzwe gucunga umutekano, ndibutsa indongozi ko Imbonerakure izongera gutangira umuntu imubuza kujya mu bikorwa byo kwiyamamaza bagakubitana bagomba guharanira uburenganzira bwabo ntimuzavuge ngo ni aba CNL ndabivuze kandi ndabisubiramo.
Iri jambo Agathon Rwasa arivuze nyuma yuko mu kwezi kwa kabiri kuwa 25 Gashyantare 2019 abanywanyi ba CLN bataniye mu mitwe n’Imbonerakure muri Komine Murenza Intara ya Ngozi mu gihe uyu Muyobozi w’iri shyaka yari yateguye gusura abanywanyi be, Imbonerakure zikabategera mu nzira maze nabo bakirwanaho bikaba ngombwa ko hafatwa ingingo yo gusubika icyo gikorwa ,mu ijambo Agathon Rwasa yahavugiye yavuze ko ibize nabi uyima ifu ahuko ukongeramo udukwi ukaka.
Abakurikiranira hafi imvugo za Agathon Rwasa bavuga ko inkwi yavugaga agiye kongeramo arizo uyu munsi ari kwererekana akoresha imvugo ikakaye kandi bitari bimenyerewe ko muri Afurika ishyaka ritari k’ubutegetsi rikoresha imvugo nkizi bakomeza kuvuga ko impamvu Agathon Rwasa ari gukoresha imvugo nkizi zikakaye aruko abona afite abaturage benshi bamushyigikiye kandi bakaba bakunze kugirirwa nabi nizi mbonerakure.
Nyuma y’uko Agathon Rwasa ahamagariye abamushyigikiye kuzirwanaho mu gihe bongeye gusagarirwa n’Imbonerakure, igipolisi cy’u Burundi cyongereye umubare w’abapolisi bamucungira umutekano amakuru dukesha umunyamakuru wacu wari mu ntara ya Kirundo muri Komine ya Vumbi yatubwiye ko ejo kuwa 28 Mata 2020 uyu mukandida yari yaherekejwe n’abapolisi benshi ugereranyije nabari basanzwe bamuherekeza igihe yajyaga mu Ntara ya Ngozi ubundi asanzwe avukamo.
HABUMUGISHA vincent
