Ajida Uwamungu Innocent usanzwe ari umwanditsi wa Jenerali Omega, akaba ari mumaboko ya M23 yashyize hanze amazina y’abasirikare bakuru ba FDLR n’imikorere yabo muri iki gihe.
Uyu Ajida Innocent utangaza ko yafatiwe mu rutare rw’itongo ubwo bari mu mirwano na M23, yagaragaje amazina y’abaJenerali bagera ku 9 ndetse n’aba Koroneli 5 bayoboye inyeshyamba za FDLR muri iyi minsi, aho bakorera ndetse n’imikorerere yabo.
Uyu mu Ajida wunganirwa ga n’abandi basirikare bafatiwe hamwe bo muri FDLR mu gutangaza ibi, yatangiriye k’umuyobozi mukuru Jenerali Ntawunguka Paciphique wamenyekanye ku mazina ya Jenerali Omega, akurikizaho Comanda wungirije we ( Commendant second) Jenerali mugisha, hakaza Jenerali Gakwerere, Jenerali Nyembo,Jenerali Matovu, Jenerali Manzi, Jenerali Serge, Jenerali Poete,Jenerali Karume, avuga mon a Liyetona Jenerali Byiringiro.
Si aba gusa kuko yatangaje n’aba Coloneli bagera kuri batatu barimo Sirikofe ukorana na Byiringiro Victor, Colonei Oreste hamwe na Coloneli Ruhinda.
Yagaragaje kandi aho bakura ibikoresho ndetse yemeza neza ko ingabo za Leta arizo zibazanira ibikoresho birimo nk’imyambaro, imbunda ndetse n’amasasu kugira ngo tujye tubafasha kurwana.
Yavuze ati ”njye nabaga muri Segiteri ya Sirikofe ibarizwa muri Kazaroho, ariko hari na Segiteri ya Oreste ibarizwa Igwindi kugera I Paris hanyuma hakaza na Batayo ya Ruhinda ikorera murutare kugera i Karengera.
Ajida Uwamungu Innocent afatanije na Premier sergent Uwiduhaye Marie Chantal bemeje ko n’ubwo bahabwa ibikoresho intambara ya M23 imaze kubasiga iheruheru.
Umuhoza Yves
