Perezida Donald Trump yavuze ko Amerika “izasibanganya” ahantu 52 ha Irani ”ihatere vuba cyane kandi bimwe bikomeye” mu gihe Irani yatera ahantu Amerika ifitemo inyungu.
Ibi byavuzwe na Trump bikurikiye iyicwa rya Qasem Soleimani, umu jenerali wa Irani wo ku rwego rwo hejuru yishwe n’indege za Amerika.
Iyicwa rya Soleimani ryatumye ibintu bisubira inyuma cyane hagati y’ibihugu byombi, kandi Irani yararahiye ko “izihorera bimwe bikomeye”.
Yandika ku rubuga rwe rwa Twitter, Bwana Trump yashinje Irani kuba “iriho ivuga ko nta gutinya ibyo gutera ahantu Amerika ifitemo inyungu”.
Yavuze ko Amerika imaze gutondekanya ahantu higishirizwa Sharia ha Irani 52, hakaba “ari ngirakamaro cyane kuri Irani hamwe n’umuco wayo”, anavuga ko “hazaterwa VUBA CyANE KANDI BIMWE BIKOMEYE” Irani nigaba ibitero kuri Amerika.
Uwo mukuru w’igihugu yavuze ko aho hantu hasobanura Abanyamerika 52 bagizwe imbohe na Irani igihe cy’umwaka kuva mu 1979, bakuwe mu biro bihagarariye Amerika i Tehran.
Hashize umwanya muto ubwo butumwa bwa Trump bushyizwe kuri Twitter, urubuga rw’ikigo cya leta ya Amerika kigaruriwe r n’umutwe w’ibisambo bo kuri internet wiyise “Iran Cyber Security Group Hackers”.
Ubutumwa bwashyizwe ku rubuga rw’ikigo American Federal Depository Library Programme bwagira buti: “Ubu ni ubutumwa butanzwe na Republika ya ki Islamu ya Irani.”
“Ntituzahagarika gushyigikira bagenzi bacu mu karere: abenegihugu bakandamijwe muri Palestine, abakandamijwe muri Yemen, abanyagihugu na leta ya Siriya, abanyagihugu na leta ya Irake, abakandamijwe i Bahrain, abarwanyi nyakuri ba Mujahideen muri Libani na Palestine, bazahora bafashwe mu mugongo na natwe’
Urwo rubuga rwariho filime ihindaguye ya Prezida Trump, imwerekana arimo akubitwa mu maso kandi avirirana mu kanwa. Inyandiko yagira iti “Iki ni ikintu gitoya cyane cyo kwerekana ubushobozi bwa Irani kuri internet!”.
Habumugisha vincent.
