Corona Virusi yibasiye abarwanyi ba FDLR,ibitero bya FARDC n’ubugambanyi bwuzuye muri FDLR ayobora nibyo yibanzeho yifurizanya Umunsi wa Paska Perezida wa FDLR Gen.Iyamuremye Gaston Byiringiro.
Mubutumwa bwanditswe kuya 12 mata 2020 na Gen.Byiringiro Victoire Perezida wa FDR bugenewe abambari b’uyu mutwe w’iterabwoba k’umunsi mukuru wa Pasika bugaragaza ko FDLR igeze ku ndunduro. (Provigil)
Gen Byiringiro yabwiye abacengezi ko uyu umunsi wa Pasika bawijihije mu gihe isi ihanganye n’icyorezo cya Coronavirus nyamara ngo umwanzi wabo we akaba adakangwa n’iki cyorezo, kuko yakomeje kugaba ibitero simusiga kuri FDLR bigatuma bakomeza gusiragira mu mashyamba ya Congo,yanatunze agatoki abahoze muri FDLR ko aribo bayishenye bayigambanira.
Mu nvugo yakoresheje asa nutera imbabazi yasoje agira ati:turasabwa kugera ikirenge mu cy’umucunguzi mukuru Yezu Kirisitu ntitugamburuzwe n’ibibazo ibigeragezo ,ingorane ndetse n’ibihe birebire tumaze mu rugamba na Leta y’uRwanda ahubwo we aduhe kwiyakira ,kwihangana no kwihanganishyanya.
Umwe mu basesenguzi mu bya gisilikare n’imitekerereze twagiranye ikiganiro yadutangarije ko kuba umukuru w’abarwanyi yiragiza Imana,mu nvugo ze akamera nk’utakamba byerekana ko uyu mutwe ugeze ku murongo wa nyuma wo gusenyuka,dore ko muri iyi minsi Ingabo za FARDC zitoroheye iyi mitwe y’inyeshyamba ikorera k’ubutaka byayo,noneho hakaziraho n’icyorezo cya Corona virus cyibasiye bamwe mu barwanyi bo muri uyu mutwe harimo n’Umuvugizi wayo Cure Ngoma,bikaba bivugwa ko hari n’abarwanyi mirongo irindwi baherutse kwicwa n’iyi ndwara kandi nta buvuzi bw’ibanze bagira ndetse nta n’imiti.
Hasize ukwezi Umukuru w’intara ya Kivu y’Amajyaruguru asabye uyu mutwe gushyira intwaro hasi kimwe n’abandi barwanyi b aba Mayi Mayi gushyira intwaro hasi bagashyirwa mu bigo by’aho bashobora kubona ubutabazi bw’ibanze,bakarindwa Corona virus.
Hategekimana Jean Claude.
