Uyu munsi abahatanira Umwanya w’umukuru w’igihugu cy’uBurundi mu matora ategekanyijwe ku wa 20 z’ukwa gatanu, niho batangiye ibikorwa byo kwiyamamaza mu ntara zitandukanye z’igihugu.
Mu bakandida barindwi bemerewe kwitoza ku mwanya w’umukuru w’igihugu batandatu muri bo bashoboye gutangiza ibikorwa byo kwiyamamaza, umwe akaba avuga ko azatangira kwiyamamaza ejo ku wa kabiri.
Evariste Ndayishimiye aritoza ahagarariye ishyaka rya CNDD-FDD yatangiriye ibikorwa byiwe muri Komine Bugendana mu ntara ya Gitega asanzwe avukamo, amashyaka ashyika kuri 27 yahisemo gushigikira uwo mukandida akaba yari yagiye kumushyigikira.
Uyu mukandida yashyize imbere kwegereza abaturage ubuyobozi kugirango intwaro rusange ya demokarasi ibashe kugerwaho.
Abaturage ba Bugendana bavuganye n’umunyamakuru wacu uri iGitega bamubwiye ko icyo basaba uyu mukandida aramutse atsinze amatora ari ukuzabubakira amashuri no kububakira imihanda igezweho,mubitabiriye iri yamamaza mu gihe cyo gutaha imodoka itwaye urubyiruko rwa Cndd Fdd Imbonerakure yakoze impanuka benshi barakomereka umwe muribo yitaba Imana.
Ku ruhande, rwutavuga rumwe n’ubutegetsi buriho Agathon Rwasa userukira ishyaka rya CNL yatangiriye ibikorwa byiwe ku kibuga cya Muremera ku murwa mukuru w’intara ya Ngozi nawe nasanzwe avukamo.
Ibyo yashyize imbere ni uguhashya ikinyoma ndetse aboneraho no gusaba abarwanashyaka be uwaba yaraje muri iryo shyaka ku ngufu kurivamo cyangwa se uwifuza kuzabona amajwi yamibano ko nawe yarisezeramo ikindi kandi yavuzeko ashishikajwe nuko ubukungu bw’igihugu bwasanganywa ku buryo bungana .
Bikaba byagaragaye ko iri shyaka rya CNL rifite abayoboke benshi kandi ritaramara igihe kinini rishinzwe.
Leonce Ngendakumana azitoza kw’izina ry’ishyaka Frodebu hamwe na Dieudonné Nahimana azitoza ku giti cyiwe batangiriye ibikorwa byabo mu mujyi wa Bujumbura, muri Karitiye Kinama kuruhande rwa Frodebu hamwe no muri komine Muhakuri kuri Bwana Nahimana.
Domitien Ndayizeye uzaserukira urunani Kira Burundi yatangirije ibikorwa byiwe mu ntara ya Murambya, mu gihe Gaston Sindimwo userukira ishyaka Uprona yatangiriye imyiyamamazo yiwe mu ntara ya Mwaro.
Utashoboye gitangiza ibikorwa byiwe uno munsi ni Francis Rohero avuga ko azabitangira ejo ku wa kabiri.
Ibibazo byagaragaye ni nkaho abanywanyi b’abiyamamazaga bagiye babuzwa gukomeza ingendo zabo abo ni nk’abanywanyi ba CNL bari bafashe ibarabara rya Gitega – Ngozi bavuga ko bangiwe gukomeza urugendo rwabo bageze ahitwa Bitare muri komine Bugendana harimo habera ibirori bya CNDD-FDD, iyindi nzira bari gucamo nayo basanga ikiraro cabomotse.
Bivugwa ko ku murwa mukuru w’intara ya Kayanza gushyika mu masaha ya saa cyenda hari hakigenda amamodokari menshi yo mu bwoko bwa Fuso yuzuye abanywanyi b’uwo mugambwe aja i Ngozi kubera ibyo bibazo,n’imodoka itwaye Agathon Rwasa umukandida wa CNL, yagize ikibazo igeze muri komine Matongo y’intara ya Kayanza, aho basanze ikamyo itwara lisansi yari yapfiriye mw’ibarabara.
Byabaye ngombwa ko abanyagihugu bafasha mu kumucira inzira kugira ngo abashe kugenda.
Kwiyamamaza bizarangira kuwa 17 z’ukwezi kwa gatanu hasigaye iminsi itatu ngo amatora abe .
HABUMUGISHA VINCENT.
