Abakuriye amashyaka atavuga rumwe n’ubutegetsi bwa perezida Yoweri Kaguta Museveni batangaje ko bishyize hamwe kugira ngo bafatanye kwitegura amatora y’umukuru w’igihugu ateganyijwe mu mwaka w’2021.Aba ngo barateganya kuzitoramo umukandida umwe uzabahagararira muri ayo matora.
Robert Kyagulanyi uzwi nka Bobi Wine ukuriye ishyaka People Power akanaba n’umudepite, Dr Kizza Besigye w’ishyaka FDC, mayor w’umujyi wa Kampala Erias Lukwago w’ishyaka DP, Keny Lukyamuzi ukuriye ishyaka CP, Asumani Bsalorwa ukuriye ishyaka JEEMA n’abandi biyemeje guhangana na perezida Museveni cyangwa undi mukandida uzatangwa n’ishyaka rye NRM ku ntebe iyoboye igihugu.
Aba ntibatangaje uwo bateganya gushyira imbere mu matora y’umukuru w’igihugu.
Ishyaka NRM rimaze miyaka 30 riyoboye igihugu cya Uganda.Bamwe muri aba banyapolitiki batavuga rumwe n’ubutegetsi buriho bakunze kugaragara mu mvururu zibahanganishije nabwo.
MWIZERWA Ally
.
