Kuri iki cyumweru taliki ya 13 Nzeri 2020 ushinzwe amasomo bamwe bakunze kwita (préfet des études)yashimuswe mu ijoro ryo ku cyumweru rishyira kuwa mbere akuwe iwe,mu gasanteri ka Rucuro,ho muri Zone ya Rucuro,Intara ya Kivu y’amajyaruguru
Uyu mu Perefe ushinzwe amasomo akaba yitwa Gérôme Chocho, wafashwe bugwate n’Inyeshyamba bikekwa ko ariza FDLR nkuko byemezwa na Mbusa Mukanda Aimé, Umuyobozi wa Zone ya Rutshuru.
Mu kiganiro yagiranye n’itangazamakuru arasaba ingabo za Leta FARDC kubaba hafi hagakorwa iperereza kugirango hamenyekane irengero ry’uyu muntu kandi akaba asaba ko aka gace kakongererwa imbaraga mu gucunga umutekano.
Mu cyumweru gisize kandi abantu batanu bashimutiwe mu gace ka Gisigari naho ni muri Zone ya Rucuro barekurwa hatanze ingurane y’amafaranga ibi bikorwa bikaba bimaze kuba agatereranzamba muri ako gace.
Mwizerwa Ally
