Si ubwa mbere mu nkambi za Cyegerwa,Cyaka I na Cyaka II,ndetse n’inkambi ya Nakivale havugwa iyinjizwa ry’urubyiruko mu nyeshyamba zirwanya Leta y’uRwanda aha twavuga nka RNC,RUD URUNANA,FLN na FDLR,kenshi aba basore bashukishwa ko bajyanywe muri Congo gucukura amabuye y’agaciro.
Umwe mu batuye mu nkambi ya Cyegerwa utarashatse ko amazina ye atangazwa yagiranye ikiganiro na Rwandatribune.com avuga ko hasize iminsi hari icengezamatwara muri iyi nkambi ry’imitwe yitwaje intwaro ikorera muri Congo,ndetse bamwe m’urubyiruko bagenda baburirwa irengero.
Mu batungwa agatoki haravugwamo uwitwa Biraguma Tharcice ushakira abayoboke RNC ya Kayumba Nyamwasa Christophe Busigo na Frank Ruhinda muramu wa Kayumba Nyamwasa,abandi kandi bavugwa mu bikorwa by’icengezamatwara n’uwahoze ari umunyamakuru mu Rwanda Ntamuhanga Cassien ushakishwa n’ubutabera bw’uRwanda.
Capt.Nshimiyimana Cassien ak Gavana
Umwe mu bahoze ari abarwanyi muri iyi mitwe wahoze mu barwanyi ba RUD URUNANA mbere ayijyamo yari mu Nkambi ya Nakivale yabwiye Rwandatribune.com ko uwitwa Gataraka na Capt Nshimiyimana Gavana bo muri RUD URUNANA baje kumushaka bamubwira ko bamujyanye muri Congo mu bucukuzi bw’amabuye y’agaciro,nyuma ariko Siko byagenze yaje kwisanga mu birindiro by’uyu mutwe ahitwaga ku Kabindi ho muri Binza muri Teritwari ya Rucuro ku birindiro by’uyu mutwe atangira atyo kuba inyeshyamba mu bintu atifuzaga mu buzima bwe.
Capt Gavana mu ngendo agenda akora mu iri zi nkambi agenda abwira impunzi ko amasezerano ya Luanda agamije guhuza Uganda n’u Rwanda ari ibipapuro gusa ko Uganda ikibashyigikiye.
Mwizerwa Ally
