Urwego rw’Igihugu rw’Ubugenzacyaha (RIB) kuri uyu wa 2 Ugushyingo rumaze gutangaza ko rwataye muri yombi abagabo batatu bakekwaho kwica Nyiramfakaramye Virginie, bashutswe na mugenzi we witwa Uwimana Alphonsine.
Intandaro y’urupfu rwa Nyiramfakaje wiciwe mu Kagari ka Gatovu, Umurenge wa Rugarika mu Karere ka Kamonyi tariki ya 28 Ukwakira 2020, ikekwa ko ari amakimbirane yo mu muryango yari afitanye na Uwimana.
Ngo ni yo yaba yaratumye Uwimana ashuka aba bagabo batatu: Ngenzi Damascene, Mutabaruka Vedaste na Niyitegeka Janvier.
Mu gihe iperereza rigikomeje, aba bagabo batatu bafungiwe kuri Sitasiyo ya RIB iherereye mu Murenge wa Nyamirambo mu Karere ka Nyarugenge. Uwimana Alphonsine na we yamaze gutabwa muri yombi.
Dukuze Dorcas
