Guverinoma ya Sudan yatangaje ko Leta Zunze Ubumwe za Amerika zakuye igihugu cya Sudan ku rutonde rw’ibihugu bishyigikiye iterabwoba
Mu butumwa bwashyizwe ku rubuga rwa Facebook rwa Sudan buragira buti :”Igihe cy’imisi 45 cyahawe inteko ishingamategeko cyarangiye kandi umunyamabanga wa reta yamaze gusohora ibaruwa ikura Sudan ku rutonde rw’ibihugu bishigikiye iterabwoba kuva uyu munsi tariki 14 Ukuboza 2020.
Mu Ukwakira , Perezida wa Amerika Donald Trump yavuze ko Sudani izava kuri urwo rutonde nyuma yo kwishyura indishyi zingana na miliyoni 335 z’amadolari ku bagizweho ingaruka n’ibitero bya al-Qaeda muri Afrika mu 1998.
Minisitiri w’Intebe wa Sudan Abdalla Hamdok yahise atangaza ko ayo mande yaciwe igihugu cye yamaze gutangwa .
Sudan yashyizwe kuri urwo rutonde mu 1993 ubwo hari hamaze kumenyekana ko umukuru wa al-Qaeda, Osama Bin Laden yabaga muri iki gihugu.
Uru rutonde rusanzweho ibindi bihugu nka Iran, Syria na Korea ya Ruguru .
(Valium)
