Minisitiri w’ubuzima mu Rwanda Dr. Ngamije Daniel ari mu bahawe urukingo rwa Covid-19 ku ikubitiro mu bayobozi bakuru b’igihugu nyuma y’abakingiwe mbere barimo n’umuyobozi w’intara y’Amajyaruguru J. M. V Gatabazi.
Kuri uyu wa Gatanu tariki ya 5 Werurwe 2021 nibwo mu bitaro 50 n’ibigonderabuzima 508 mu gihugu hose hatangiye gutanga inkingo za Covid-19 ku bantu bafite amahirwe menshi yo kwibasirwa n’iki cyorezo.
Mu bashobora kwibasirwa harimo abakora mu nzego z’ubuvuzi, inzego z’umutekano n’abageze muza bukuru.
Amakuru dukesha RBA avuga ko ku ikubitiro Minisitir w’Ubuzima mu Rwanda Dr. Dabiel Ngamije ari umwe mu bahawe urukingo. Dr. Ngamije si we muyobozi mukuru uhawe uru rukingo kuko mu minsi ishize Guverineri Gatabazi Jean Marie Vianney uyobora Intara y’Amajyaruguru nawe yahawe uru rukingo, muzatanzwe mbere nkuko Minisiteri y’Ubuzima yabitangaje.
Hari abaturage bari bakomeje kugaragaza impungenge bafitiye urukingo ,mu gihe batabona abayobozi bakuru barukoreha, gusa kuba abayobzi bakuru bari mu bahawe izi nkingo, abaturage bemeza ko ari ikimenyetso cyiza gitinyura n’abari bagifite impungenge.
Izi nkingo zatangiyiye gutangwa kuri uyu wa 05 Werurwe ziri mu moko abiri, harimo iza Oxford-AstraZeneca na Pfizer zose hamawe zikaba zigera ku bihumbu bisanga 340,000.
Minisiteri y’Ububanyi n’amahanga ivuga ko yakiriye izindi nkingo zigera ku 50,000 zatanzwe na Leta y’Ubuhinde.
