Kuri uyu wa 11 Werurwe 2021 igihugu cya Denmark cyahagaritse gukingira abaturage bacyo inkingo za AstraZeneca, mu gihe hagikorwa ubushakashatsi ku ndwara yo kuvura kw’amaraso ikomeje gufata abazikingiwe.
Minisitiri w’ubuzima wa Denmark Magnus Heunicke yatangaje ko impamvu bahisemo kuba bafashe icyemezo cyo guhagarika inkingo za AstraZeneca zakozwe na Oxford university ari uko muri iki gihugu hadutse indwara yo kuvura kw’amaraso irimo gufata abahawe izi nkingo.
Yagize ati” Guverinoma yafashe iki cyemezo mu rwego rwo kubanza twakora iperereza rishingiye ku bushakashatsi ,ku byagaragaye ko uru rukingo rushobora kugira ingaruka mbi, zirimo no kuvura kw’amaraso y’uwaruhawe.”
Inkuru ya Euronews ikomeza ivuga ko n’ikigo cyubuzima cya Autriche nacyo cyahagaritse by’agateganyo gukingira Covid-19 yifashishije izi nkingo zakozwe na Kaminuza ya Oxford, nyuma yaho abantu 2 mu bahawe urukingo rwa Astrazeneca bafatiwe n’indwara yo kuvura kw’amaraso bigakekwa ko zaba ari inkurikizi z’uru rukingo.
Ildephonse Dusabe
