Perezida wa Repubulika y’u Rwanda Paul Kagame yihanganishije umuryango wa Perezida John Pombe Magufuli witabye Imana mu ijoro ryakeye azize uburwayi bw’umutima aho avuga ko azahora amwibukira ku ruhare yagize mu guteza imbere Afurika y’Ibirasirazuba.
Mu butumwa yanyujije ku rubuga rwe rwa Tweeter, Perezida Kagame yagarutse ku gahinda yatewe n’ururupfu rw’umuvandimwe akaba n’inshuti ye Magufuli, aho avuga ko azibukirwa ku bikorwa by’indashyikirwa yakoreye igihugu cye n’akarere muri rusange.
Yagize”Tubababajwe n’inkuru yakababaro y’urupfu rw’umuvandimwe, n’inshut yacu, Perezida Magufuli.Uruhare rwe mu iterambere ry’igihugu cye n’akarere muri rusange ntiruzibagirana. Nihanganishije umuryango we n’ abaturage ba Tanzania muri rusange. Abanyarwanda natwe turi kumwe namwe muri ibi bihe bitoroshye”
Perezida John Pombe Magufuli yitabye Imana mu ijoro ryakeye azize indwra y’umutima mu bitaro byo mu murwa mukuru Dar Es Salaam. Inkuru y’urupfu rwe yatangajwe bwa Mbere kuri Televiziyo y’igihugu na Visi Perezida wa Tanzania Samia Hassan Suluhu ari nawe ugiye guhita arahirira kuyobora igihugu muri gihe gisigaye cya Manda ya Magufuli nkuko itegekonshinga rya Tanzania ribiteganya.
Magufuli mu Rwanda yibukirwa ku kuba aricyo gihugu yagiriyemo uruzinduko rwa mbere nk’umukuru w’igihugu ubwo yari amaze gutorwa hari mu mwaka 2015.
