Impunzi z’abanyarwanda ziba muri Uganda zikomeje gushinja Sura Nuwamanya na Prossy Bonabana abambari ba RNC Kayumba kubahotera no kubashimuta.
Amakuru amaze iminsi acicikana ku mbuga nkoranyambaga zibarizwamo impunzi z’abanyarwanda ziba uganda n’uko bakomeje gushimutwa,guhohoterwa no guterwa ubwoba bikozwe n’umutwe wa RNC ikoresheshe abambari bayo baba uganda aribo Sura Nuwamanya na Prossy Bonabana.
Imwe mu mpamvu izi mpunzi zikomeje gushira mu majwi ikomeje gutuma zihohoterwa na Sura Nuwamanya hamwe na Prossy Bonabana, ngo n’uko mugihe cyose wanze kwifatanya cyangwa kuba umuyoboke wa RNC batangira kukwibasira ari nako baguhimbira ibirego bavuga ko uri intasi y’uRwanda.
nk’uko bakunze kubigenza ngo Sura Nuwamanya na Prossy Bonabana bakunda kujya mu nkambi ya Nyakivala no mu tundi duce tubarizwamo abanyarwanda aho ngo bagenda babashiraho iterabwoba ,bababwira ko utazabayoboka wese bagomba kumufunga .
Ikindi gikomeje kubangamira izi mpunzi ngo ni imitwe y’amashyaka itandukanye irwanya ubutegetsi bw’uRwanda ihabarizwa ngo k’uburyo iyo utagiye mw’ishyaka rya bamwe muri abo bahita bagushinja ko uri intasi y’uRwanda
Ibi ngo bikomeje gutuma zimwe mu mpunzi z’abanyarwanda ziba Uganda zikomeza gufungwa no guhohoterwa bazibeshera ko ari intasi z’uRwanda ndetse ngo hakaba hari bamwe bamaze hafi ibyumweru bibiri bibera mu bihuru bihishahisha abambari ba RNC ngo babaziza ko bayivuyemo bakajya gukorera andi mashyaka nka FDLR, Rud- Urunana, RAC y’itandukanyije na RNC n’ayandimashaka arwanya u rwanda akorera Uganda.
Ngo Ubutumwa bwa Sura nuwamanya na Prossy Bonabana ngo n’uko impunzi zose z’abanyarwanda ziri Uganda zigomba kujya muri RNC,abantu bakomeje kwibasirwa ni abatuye Kampala,Gayaza,Kiboga,Mubende n’ahandi.
Baragira bati: mu byukuri hano hari amashyaka menshi y’abanyarwanda iyo utagiye mu ishyaka rya bamwe muri abo, bagushiraho ko uri intasi y’urwanda kuko hari benshi bagiye bafungwa gutyo.
Ni mwiyame abantu bagambanira abanyarwanda, ni murengere impunzi muzivuganire buri munsi barazifunga . Kandi ababiyoboye ni Sula Nuwamanya na Prossy Bonabana wagirango nibo bashinzwe umutekano wa Uganda .
Hari abantu bamaze hafi ibyumweru bibiri bibera mu bihuru bihishahisha abakozi ba RNC babaziza ko bayivuyemo cyangwa banze kuyijyamo.”
Bakomeza bavuga ko RNC inyuze muri Sula Nuwamanya na Prossy Bonabana bakomeje guteza ikibazo impunzi z’abanyarwanda ndetse ko bamaze igihe bahungabanya abanyarwanda baba Uganda kandi ko ntawemerewe kugira icyo avuga ngo kuko iyo ugize icyo ushaka kuvuga kuri icyo kibazo bagukangisha ku gufunga .
Sura Nuwamanya ni umunyarwanda ufite inkomoko muri Uganda ,akaba afatanyije na Prossy Bonabana usanzwe ari umukozi w’urwego rw’igisirikare cya Uganda rushinzwe ubutasi (CIM) ndetse aba bombi baka bafite Karibu ihoraho muri CMI barakunze guhohotera abanyarwanda baba Uganda babahatira kujya muri RNC.
Bizwi kandi ko Kayumba Nyamwasa yakunze kubakoresha mu gukwirakwiza icengezamatwara rya RNC mu mpunzi z’abanyarwanda ziba Uganda n’abandi banyarwanda basanzwe bahatuye ndetse bakaba baragize uruhare mu ifungwa rya hato na hato ry’abanyarwanda batuye Uganda aho bakorerwaga iyicarubozo abandi bakaburirwa irengero.
Sula Nuwamanya akaba akorana byahafi na Col Asiimwe nimero ya kabiri muri CMI nyuma ya Maj. gen Abel Kandiho aho bakoreshwa na CMI mu gutanga amakuru y’ibinyoma no gusebya uRwanda bafatanyije na Muramu wa Kayumba Frank Ntwari hamwe na Rugema Kayumba nawe akaba ari mubyara wa Kayumba Nyamwasa.
Kuri Ubu ngo bakaba bafite ikiraka bahawe n’a RNC ya Kayumba gahunda yo guhiga impunzi z’abanyarwanda ziba Uganda zanze kuyoboka RNC ya Kayumba Nyamwasa.
Hategekimana Claude
