Umwe mu bakozi bakuru muri Australia yirukanwe nyuma y’amashusho yagaragaye bari gukorera imibonano mpuzabitsina mu nzu y’inteko ishingamategeko.
Ibi byongereye ibikorwa byo kunenga politiki mbi bimaze iminsi biriho muri iki gihugu kubera imigirire ya bamwe mu banyapolitiki.
Amwe muri ayo mashusho yerekana uwo mukozi akorana bimwe mu bikorwa by’imibonano mpuzabitsina ahicara umudepite w’umugore.
Minisitiri w’Intebe, Scott Morrison, yavuze ko ayo mashusho ateye isoni.
Ibi bibaye nyuma y’uko umwe mu bahoze ari abakozi atangaje uko yatinyaga kwirukanwa mu kazi nyuma yo guhohoterwa bishingiye ku gitsina.
Brittany Higgins avuga ko yafashwe ku ngufu n’umukozi umukuriye mu biro mu kwezi kwa gatatu 2019, ariko akavuga ko yagize ubwoba bwo kuregera polisi.
Byahise bizamura ibindi birego byinshi, mu cyumweru gishize, abantu ibihumbi bakoze urugendo rwo kwamagana ihohoterwa rishingiye ku gitsina rikorerwa abagore muri Australia.
