Guverinoma ya Uganda yafashe umwanzuro wo kuba ihagaritse gukingira abaturage bayo Corona Virus mu gihe igitegereje izindi nkingo yatumije zitarahagera.
Uganda ivugako yatumije inkingo mu bihugu nk’u Bushinwa u Burusiya, Cuba na Leta zunze ubumwe za Amerika .
Ibi bibaye kandi mugihe Uganda ikomeje guhura n’ikibazo cy’ubwiyonngere bukabije bwa Covid-19 bwanatumye iki gihugu gifunga ibigo by’amashuri n’ingendo zihuza Uturere n’umurwa mukuru Kampala .
Minisiteri y’Ubuzima muri iki gihugu ivuga ko hari dose 175,000 z’urukingo rwa AstraZeneca na dose 300,000 yemerewe n’igihugu cy’u Bushinwa zizaba zisesekaye mu minsi ya vuba ari nabwo izongera gukomeza igikorwa cy’ikingira.
Muri Uganda habarwa abantu 56.949 bamaze kwandura Covid-19 mu gihe abo yahitanye ari 402. Ubwandu bw’iki cyorezo buri kuri 17%.
