Perezida wa Repubulika y’u Rwanda Paul Kagame yasesekaye i Goma mu Ntara ya Kivuy’Amajyaruguru aho yakiriwe na mugenzi we wa repubulika iharanira Demokarasi ya Congo Feleix Tshisekedi.
Akigera ku butaka bwa Repubulika iharanira Demokarasi ya Congo Perezida Kagame yakiriwe na Mugenzi we Tshisekedi bahise binjira mu mudoka imwe , berekeza kuri Hotel Serena iri mu mujyi wa Goma.
Uru ruzinduko rwa Perezida Kagame mu burasirazuba bwa Congo ruje rukurikira urwo Perezida wa Repubulika iharanira Demokarasi ya Congo yagiriye i Rubavu mu burengerazuba bw’u Rwanda kuwa Gatatu tariki ya 25 Kamena 2021 . I Rubavu aba abakuru b’ibihugu byombi basuye ibyangijwe n’imitingito yaturutse ku iruka ry’ikirunga cya Nyiragongo rwabaye kuwa 12 Gicurasi 2021.
Biteganijwe ko Uruzinduko rwa Perezida Kagame i Goma muri Kivu y’Amajyaruguru rusozwa n’ikiganiro abakuru b’ibihugu byombi bagirana n’itangazamakuru. Mbere gato y’ikiganiro n’abanyamakru kibera kuri Hotel Serena i Goma, abayobozi b’ibihugu byombi barasinyana amasezerano y’ubufatanye mu bucuruzi n’umutekano hagati y’ibihugu byombi.
