Lt Gen Muhoza Kainerugaba , imfura ya Perezida wa Uganda akaba n’umugab mukru w’ingabo zirwanira ku butuka muri UPDF,yagarutse ku bihuha byamuvuzweho ko yishwe na Covid-19 ikomeje kuvuza ubuhuha muri iki gihugu.
Guhera ku munsi w’ejo ku Cyumweru tariki ya 27 Kamena 2021, ku mbuga nkoranyambaga muri Uganda amakuru yagiye ahwihwiswa ko Lt Gen Kainerugaba arwaye bikomeye ndese ko ashobora kuba yarishwe n’icyorezo Covid-19 guverinoma ntibitangaze.
Iki gihuha , uyu musirikare mukuru wa Uganda yakinyomoje yifashishije urubuga rwe rwa Twitter aho amakosa yose ayashinja abanzi b’igihugu cya Uganda.
Yagize ati”Iyi ni inshuro ya Gatatu kuva najya mu gisirikare bavuze ko napfuye. Ibi ni ibihuha bihimbwa n’abanzi b’igihugu”
Si ubwa mbere mu muryango wa Perezida hatangazwa ko bamwe mu bawugize barembejwe na Covid-19, kuko kuwa Gatanu tariki ya 25 Kamena , abakoresha imbuga nkoranyabaga bakomeje gukwiza amakuru avuga ko Museveni yavanwe mu gihugu cya Uganda akajyanwa kuvurirwa ku mugabane w’iburayi aho byavugwaga ko arembejwe na Covid-19.
Lt Gen Muhoozi Kainerugaba ari mu basirikare bakuru 15 baheruka guhabwa inshingano nshya n’umukuru w’igihugu, aho yavanwe ku kuba umugaba mukuru w’ingabo zidasanzwe zirinda umukuru w’igihugu akagirwa umugaba mukuru w’ingabo zirwanira kubutaka.
