Inama y’Abaminisitiri yateranye kuwa 30 Nyakanga 2021, yagize Madamu Yolande Makolo umuvugizi wa Guverinoma y’u Rwanda muri Minisiteri y’ububanyi n’amahanga n’ubutwererane nkuko bigararagara mu itangazo ryashyizwe ahagaragara n’ibiro bya Minisitiri w’Intebe.
Mu minsi yashize umwanya w’umuvugizi wa Guverinoma y’u Rwanda wabangikanywaga n’inshingangano za Minisitiri w’Ububanyi n’amahanga bikaba byabaye nko nkoroshya inshingano cyane ko n’ubundi uyu muvugizi wa Guverinoma azaba akorera muri Minisiteri y’Ububanyi n’amahanga.
Madame Yolande Makolo yari asanzwe ari umuvugizi w’Ibiro by’umukuru w’igihugu, umwanya yasimbuweho na Nyombayire Stephanie mu mavugurura mashya yakozwe na Perezida wa Repubulika.
