Abayobozi mu nzego z’ubuzima mu Bushinwa batangaje ko mu mujyi wa Wuhan mu Ntara ya Hubei hongeye kugaragara abantu banduye COVID-19, Hamaze kubarurwa abantu 300 mu minsi 10.
Ubuyobozi bw’uriya mujyi utuwe n’abaturage miliyoni 11 bwatangaje ko bagiye gupima kiriya cyorezo mu gihe gito gishoboka,Hashize umwaka urenga muri kariya gace ari ho hatangiriye icyorezo COVID-19 giturutse ahantu abantu batavuga ho rumwe,Bamwe bavuga ko cyakomotse mu ducurama, abandi bakemeza ko cyakorewe mu ruganda , kugeza ubu ubwandu bushya bwongeye kugaragara mu Ntara 15 ziri mu zindi zigize u Bushinwa,Muri izo Ntara haranugwanugwa ingamba zirimo na Guma mu rugo.
Ubuyobozi buvuga ko buriya bwandu bushya buri guterwa ahanini n’uko abantu bari guhurira henshi hatandukanye muri ibi bihe by’impeshyi,Abenshi bari kujya gukorera ubukerarugendo muri Wuhan n’ahandi mu Bushinwa,Ikindi ni uko ubwoko bushya bwa COVID-19 bwiswe Delta ari bwo buvugwa ko buri gukwira henshi muri kiriya gihugu.
U Bushinwa bwari bumaze igihe bushimirwa gukumira ubwandu bwa kiriya cyorezo cyane cyane mu mwaka ushize ndetse n’igice kinini cy’uyu mwaka wa 2021 ugana ku iherezo,Iki kandi kimaze gupima abaturage bangana na miliyoni 9.2 bo mu Ntara ya Najing,bo bamaze gupimwa inshuro eshatu.
Abayobozi bo mu Bushinwa bavuga ko ubwandu bugaragara muri iki gihe bwakwirakwijwe n’abantu 5,000 bari bitabiriye ibirori byabereye i Wuhan basubira mu ngo zabo, barabukwirakwiza,Ubu Leta iri kubashakisha ngo badakomeza kubukwiza hirya no hino.
