Minisiteri y’Uburezi mu Rwanda (MINEDUC) yatangaje ingengabihe y’umwaka w’amashuri wa 2021/2022, ivuga ko uzatangira ku ya 11 Ukwakira 2021.
MINEDUC ivuga ko uyu mwaka w’amashuri abanza, Ayisumbuye n’ayigisha Imyuga n’Ubumenyingiro wa 2021/2022, uzarangira tariki 15 Nyakanga 2022.
Igihembwe cya mbere nk’uko bigaragara kizatangira ku itariki 11 Ukwakira 2021 gisozwe ku wa 24 Ukuboza 2021.
Igihembwe cya kabiri kizatangira tariki 10 Mutarama 2022 gisozwe tariki 31 Werurwe 2022 na ho icya gatatu gitangire tariki 18 Mata 2022 gisozwe ku wa 15 Nyakanga 2022.
MINEDUC yateganyije ko ibizamini bya Leta bisoza amashuri abanza bizakorwa tariki 18 Nyakanga 2022 kugeza ku wa 20 Nyakanga 2022, ibisoza ayisumbuye hamwe n’ay’imyuga n’ubumenyingiro bikazakorwa kuva ku ya 26 Nyakanga 2022 kugeza tariki 05 Kanama 2022.
