Ishirahamwe ry’Abatware gakondo ba Kisukuma rifatanije n’umuryango uhuza Abatware gakondo muri Tanzania bahaye Perezida Samia Izina rya Angaya, bisobanuye Inyenyeri ya Rubanda.
Uyu muhango wabereye kuri Stade ya Croix Rouge ya Kisesa, mu mujyi wa Mwanza. Mu ijambo rye Aaron Mikomangwa uhagarariye ishyirahamwe Kisukuma yasobanuye ko impamvu bahisemo guha Samia iri zina ari ukumushimira we na Guverinoma ayobora ku kuba bakomeza guteza imbere igihugu batibagiwe n’umuco wa Tanzania.
Yagize ati: Twahaye agaciro ibikorwa byanyu , turashimira uruhare rwanyu bwite n’urwa guverinoma muyoboye kubw’ibikorwa n’ingamba mufata zigamije guteza imbere umuco n’ibindi bikorwa bishingiye ku muco wacu”
Aba batware baboneyeho gusaba Samia Suluhu ko bakwemerwa nk’indi miryango yose ikorera muri Tanzania , ndetse banamusaba ko yabemerera ko bafungura ibiro byabo bikuru n’ingoro ndagamurage mu mujyi wa Dodoma .
