Perezida wa Repubulika y’u Rwanda Paul Kagame uri mu ruzinduko rw’akazi muri Tanzania amaze kugera muri Stade yitiriwe Ubwigenge(Uhuru) ahagiye kubera umuhango wo kwizihiza isabukuru y’imyaka 60 Tanzania imaze ibonye ubwigenge.
Perezida Kagame na Mugenzi Samia Suluhu bari mu bagomba kugeza imbwirwaruhame ku baturage ibihumbi ba Tnazania bitabiriye ibirori byo kwizihiza umunsi mukuru w’Ubwigenge.
Tanzania yabonye ubwigenge kuwa 9 Ukuboza mu mwaka 1961, nyuma y’igihe kinini yari imaze mu bukoloni bw’u Bwongereza.
Uruzinduko rw’iminsi 2 Perezida Kagame arimo muri Tanzania ni urwa mbere agiriye muri iki gihugu kuva Perezida Samia Hassan Suluhu yajya ku butegetsi asimbuye John Pombe Magufuli wari umaze kwitaba Imana azize indwara y’Umutima.
