Perezida Yoweri Kaguta Museveni wa Uganda akaba n’Umugaba w’Ikirenga w’Ingabo z’iki gihugu UPDF, yahinduriye inshingangano Maj Gen Abel Kandiho wari wagizwe intumwa idasanzwe muri Sudani atarazitangira.
Mu tangazo ryashyizwe ahagaragara n’ibiro by’umuvugizi w’ingabo za Uganda rivuga ko ,Gen Abel Kandiho wahoze ayobora ubutasi bwa gisirikare yagizwe umuyobozi muri Polisi ya Uganda wunganira umuyobozi mukuru, IGP Okoth Ochola.
Inshingano Gen Kandiho yari yahawe muri Sudan zahawe Maj Gen Bakasumba Jack wari usanzwe ari umuyobozi mukuru wungirije IGP Martin Okoth Ochola.
Abasesenguzi muri Politiki bakomeje kwibaza impamvu nyamukuru Perezida Museveni akomeje gukora amavugurura ya hato na hato mu nzego nkuru z’umutekano wa Uganda. Mu gihe abandi bo bakomeje gutebya bavuga ko Museveni yari yibeshye kuri Gen Kandiho yahaye inshingano akazimwambura atarazitangira.
UWINEZA Adeline
