Inteko Ishinga Amategeko ya Ethiopia yatoye umwanzuro wo gukuraho ibihe bidasanzwe byari bimaze igihe mu gihugu.
Ni nyuma y’ubusabe bwa Guverinoma ya Minisitiri w’Intebe Abiy Ahmed bwatanzwe mu kwezi gushize, ko ibihe bidasanzwe byakurwaho.
Mu Ugushyingo umwaka ushize nibwo hemejwe ko muri Ethiopia hashyirwaho ibihe bidasanzwe nyuma yo kunga imbaraga kw’imitwe irwanya Leta irangajwe imbere na TPLF yo mu Majyaruguru.
Kugeza ubu Guverinoma ivuga ko umutekano wagarutse mu duce twinshi kandi igasubiza inyuma abarwanyi bari bari kwerekeza mu murwa mukuru Addis Abeba.
Nubwo umutekano bivugwa ko wagarutse, hashize iminsi humvikana ibitero bya hato na hato by’inyeshyamba ku ngabo za Leta mu gace ka Afar kegeranye na Tigray.
UWINEZA Adeline
