Umuyobozi w’akarere ka Rubavu Kambogo Ildephonse ari i Goma muri Repubulika iharanira Demokarasi ya Congo, aho yitabiriye inama imuhuza n’ubuyobozi bw’umujyi wa Goma.
Meya Kambogo ku mupaka uhuza ibihugu byombi yakiriwe n’umuyobozi w’umujyi wa Goma commissaire supérieur François Kabeya Makosa .
Biteganijwe ko aba bayobozi baganira ku bucuruzi bwambukiranya imipaka bumaze igihe buvugwamo ibibazo.
Abacuruzi b’Abanyarwanda bambukana ibicuruzwa muri Repubulika iharabira Demokarasi ya Congo bamaze iminsi bagaragaza ikibazo cy’uko bambukana ibicuruzwa byabo bikarangurwa ku mafaranga make, ndetse bakanavuga ko bahura n’imbogamizi zo kutemererwa kwinjira mu masoko y’i Goma.
Aha ni naho bahera basaba ko bakongera kwemererwa kwambyukira ku gapapuro kazwi nka Jeto nk’uko byahoze na mbere.
Iyi nama yiga ku bucuruzi ibaye iya Kabiri muri uyu mwaka 2022 nyuma y’iherutse kubera mu mujyi wa Rubavu.
