Umuryango Jambo ASBL urashyirwa mu majwi kuba inyuma y’urupfu rw’umuhungu w’umunyapolitiki Twagiramungu Faustin alias Rukokoma. Uyu ni Rodolphe Shimwe Twagiramungu w’imyaka 34 y’amavuko wapfuye urupfu rutugunyuranye mu gitondo cyo kuwa 17 Mata 2022.
Shimwe Twagiramungu nawe wari usanzwe ari umunyamuryango wa Jambo ASBL ngo yari yagiye mu kabyiniro ari kumwe n’urundi rubyiruko babanaga mu muryango Jambo ASBL bikaba bivugwa ko bagenzi be baba baramushiriye mucyo kunywa kanywe ukumve(uburozi) mu kirahure cy’inzoga yarimo anywa . Kuva ubwo ngo yatangiye kumva atameze neza ahita yihutanwa kwa Muganga ari naho yahise agwa nyuma yaho abaganga bari bamubuzemo uburwayi.
Hari n’abandi banyarwanda baba mu gihugu cy’Ububirigi bemeza ko Twagiramungu Faustin adakunzwe mu muryango Jambo ASBL kuko bamushinja ko yarwanyije ubutegetsi bwa MRND ya Habyarimana Juvenal ari mu Ishyaka MDR, bakanamushinja ko yari icyitso k’Inkotanyi. Ni mugihe abagize Jambo ASBL ari urubyiruko rukomoka ku babyeyi bahoze ari abambari b’ubwo butegetsi bwa Habyarimana bituma bamufata nk’umugambanyi. Iyi ngo akaba ariyo mpamvu n’umuhungu we bamwishishaga bituma bamwikiza ku girango bumvishe Twagiramungu.
Uru rubyiruko rubarizwa muri Jambo ASBL ruzwiho kugirana imikoranire ya hafi n’umtwe wa FDLR/FOCA usanzwe udacana uwaka na Twagiramungu Faustin . Ruzwiho kandi kugira ingengabitekerezo ya jenoside biturutse ku mateka y’ababyeyi babo bahoze ari abambari ba MDR Parmehutu ya Kayibanda na MRND ya Habyarimana Juvenal.
HATEGEKIMANA Claude
