umuyobozi mukuru wungirije wa Kaminuza y’u Rwanda Prof Lyambabaje Alexandre wari umaze amezi 14 ayoboye iyi kaminuza ,yasimbujwe Prof Nosa Egiebor watangiye imirimo ye nk’umuyobozi mukuru wungirije wa kaminuza uyu munsi.
Mu itangazo ryashyizwe ahagaragara na Kaminuza y’u Rwanda, rigashyirwaho umukono na Paul Devenport , bavuze ko uyu muyobozi Alexandre ashimirwa ubwitange bwe mu mezi 14 yamaze ayobora iyi kaminuza.
Prof Lyambabaje yavutse mu 1960, ni ukuvuga ko afite imyaka 62. Yize muri kaminuza Nkuru y’u Rwanda, asoje ajya kwiga icyiciro cya gatatu cya Kaminuza (Master’s Degree) muri Canada.
Ni umwe mu bahanga bo mu Rwanda ufite impamyabumenyi y’Ikirenga mu mibare, kuko afitemo Doctorat yakuye muri Kaminuza ya Rennes mu Bufaransa.
Umuhoza Yves
