Urwego rw’igihugu rw’ubugenzacyaha RIB kuri uyu wa 22 Gicurasi 2022 rwatangaje ko rwataye muri yombi Dr Nibishaka Emmanuel usanzwe ari umuyobozi wungiririje w’Urwego rw’Igihugu rw’Imiyoborere (RGB).
RIB ibinyujije ku rukuta rwayo rwa Twitter yatangaje ko akurikiranweho ibyaha by’ubwambuzi bushukana no gukoresha inyandiko mpimbano.
Dr Nibishaka afungiye kuri sitasiyo ya RIB ya Remera, mu gihe dosiye ye irimo gukorwa kugira ngo ishyikirizwe Ubushinjacyaha.
Dr Nibishaka yari umuyobozi wungirije w’urwego rw’igihugu rw’imiyoborere RGB. Ukaba ari umwanya yagiyeho kuwa 18 Ukwakira 2019.
