Imodoka z’intambara n’imbunda ziremereye zigera kuri 30 z’ingabo za Repubulika Iharanira Demokarasi ya Congo, zimaze gutwikwa n’umutwe wa M23.
Ikinyamakuru gikorera mu mujyi wa Goma cyitwa Goma 24, kibinyujije kuri Twitter, cyavuze ko byinshi mu bikoresho bikomeye by’ingabo za Leta FARDC bimaze gutwikwa mu minsi ishize imirwano yubuye.
Ibinyamakuru bikomeye bikorera muri Congo byanditse bivuga ko mu mujyi wa Bunagana honyine ku itariki ya 23 Girurasi 2022 abarwanyi ba M23 bavuye mu misozi ya Runyoni batwika imodoka ebyiri zo mu bwoko bwa Land cruiser zariho imbunda ya Miyaya.
Mu gitero cyakozwe n’abo barwanyi mu gace ka Kibumba, inyeshyamba za M23 zatwitse ububiko bw’imbunda ndetse abasilikare 15 baricwa abandi 8 batwarwa ari imbohe n’uwo mutwe. Ni amakuru dukesha umwe mubakozi b’urwego ANR utarashatse ko amazina ye atangazwa mu kiganiro yagiranye na Rwandatribune.
Intambara ikomeje gufata intera muri teritwari ya Rutshuru na Nyiragongo aho inyeshyamba za M23 zarahiriye gufata umujyi wa Goma.
Ubwo twandikaga iyi nkuru hari andi makuru avuga ko ingabo za Leta zirikugerageza kongera kwisubiza agace ka Kibumba kari mu maboko y’aba barwanyi.
Ally MWIZERWA
RWANDATRIBUNE.COM
Mwadukijijje iyi nyagwa