Umugabo w’imyaka 30 y’amavuko wiriwe asarura umuceri mu gishanga cya Cyiri giherereye mu Murenge wa Ntyazo mu Karere ka Nyanza, bamusanze mu mugezi yapfuye.
Uyu nyakwiyendera, yabonywe kuri uyu wa Kabiri 31 Gicurasi 2022, basanze umurambo we mu mugezi wa Nkomane uri mu gishanga kigabanya Akarere ka Nyanza na Gisagara.
Uyu mugabo witwa Sebanani bamuheruka ari gusarura umuceri mu gisanga cya Cyiri ndetse ameze neza ntakibazo na gito afite kuko nta n’uburwayi yatakaga.
Bikekwa ko yaba yaguye muri uyu mugezi ubwo yari atashye, agahita yitaba Imana.
Ngabonzima Donat uyobora Umurenge wa Ntyazo, yavuze ko inzego zahise zitangira iperereza ariko ko amakuru y’ibanze ari uko uyu mugabo yari yiriwe ari mu mirimo yo gusarura umuceri ari kumwe n’abandi baturage.
Umurambo wa nyakwigendera wahise ujyanwa mu Bitaro bya Nyanza kugira ngo ukorerwe isuzuma rya nyuma ubundi ubone gushyingurwa.
RWANDATRIBUNE.COM
