Sonia Rolland ari mu mazi abira kubera umuturirwa w’inzu yahawe na Omar Bongo nk’impano

Sonia Rolland wabaye Miss France ufite inkomoko mu Rwanda, ari gukurikiranwa n’ubutabera kubera inzu yagawe na Omar Bongo wabaye Perezida wa Gabo.

Miss Sonia Rolland wabaye Miss France 2000, yahawe iyi nyubako yo guturamo na nyakwigendera Omar Bongo muri 2003 aho bikekwa ko yari yaguzwe n’uyu mugabo mu mafaranga yanyereje.

Ubutabera bw’i Paris bukurikiranye Miss Sonia ibyaha birimo guhisha ibyanyerejwe mu mitungo ifitiye rubanda akamaro ndetse n’icyaha cyo gukoresha nabi umutungo w’abandi.

Me Charles Morel wunganira Sonia Rolland Uwitonze, yavuze ko iyi nyubako yatumye uyu munyarwandakazi akurikiranwa yayihawe ataragira ubwenge bwo kumenya ko yavuye mu byanyerejwe.

Yavuze ko ku myaka 22, Sonia Rolland yari atangiye kumenyekana ku Isi ariko ko atari afite ubunararibonye bw’ibibera ku Isi.

Sonia Rolland Uwitonze yahawe iyi nyubako nyuma y’imyaka itatu gusa abaye Nyampinga w’u Bufaransa ndetse akomeje kwamamara cyane kubera amateka yari akoze yo kuba yari abaye Miss France ari umukobwa ukomoka muri Afurika ari na byo byatumye Perezida Omar Bongo amuha iyi mpano y’inyubako.

Iyi nyubako ifite agaciro k’arenga Miliyoni 800 Frw, iri mu mitungo imwe yatangiye gukorwaho iperereza n’Ubutabera bwo mu Bufaransa ndetse mu ntangiro za Mutarama 2021, Sonia Rolland yari yahamagajwe n’ubutabera kugira ngo abibazweho.

RWANDATRIBUNE.COM

(www.voiceoverherald.com)