Madame wa Uhuru Kenyatta, Margaret Kenyatta yanze gusuhuza Visi Perezida William Ruto n’umugore we Rachel, ubwo hizihizwaga umunsi mukuru uzwi nka Madaraka Day.
Ubwo Margaret yageraga mu busitani buzwi nka Uhuru Gardens mu mujyi wa Nairobi ari naho ibirori byabereye, yasimbutse Ruto n’umugore we ku murongo w’abo yagombaga gusuhuza, ahubwo ajya gusuhuza Perezida wa Sierra Leone Julius Maada Bio n’umugore we Fatima Maada Bio.
Ni ikimenyetso cyashimangiye umwuka mubi uri hagati ya Perezida Uhuru Kenyatta na Visi Perezida we William Ruto, bamaze iminsi badacana uwaka. Ibi byabaye ejo ubwo bari bari mu munsi mukuru wo guhimbaza ibirori bya Madaraka Day.
Umubano wa Uhuru na Odinga warakaje cyane Ruto, wagaragaraga nk’umusimbura wa Uhuru nyuma y’imyaka icumi ayoboye Kenya.
Ruto ari kwiyamamariza umwanya wa Perezida ngo azasimbure Kenyatta muri Kanama uyu mwaka, mu gihe Kenyatta ashyigikiye Raila Odinga bahoze bahanganye.
Adeline UWINEZA
RWANDATRIBUNE.COM
