Inyeshyamba za M23 zimaze kwigarurira umuhanda uhuza Bunagana na Tchengerero
Ahagana mu masaha ya saa yine n’igice imirwano ikomeye yagukiye mu gace ka Busanza,Bigega na Kibaya nk’uko isoko y’amakuru ya Rwandatribune iri iBusanza ibyemeza.
Abarwanyi ba M23 basakiranye n’inyeshyamba z’umutwe wa Rud urunana ziyobowe na Cpt Nshimiyimana Cassie uzwi ku mazina ya Gavana imirwano ikaba iri kubera mu gace ka Busanza Kari gasanzwe kagenzurwa n’umutwe wa Rud urunana.
Ababyiboneye n’amaso bavuga ko ingabo za Leta zifatanyije na Monusco ziri kugerageza kwisubiza umuhanda wa Tchengerero Bunagana, ugenzurwa na M23, ibifaru by’intambara birenga icumi byoherejwe muri ako gace.
Iyi mirwano yubuye mu gihe hari hasize iminsi ibiri umutwe wa M23 utangaje ko nibiba ngombwa ishobora gufata umujyi wa Bunagana.
Mwizerwa Ally
