Inyeshyamba za 23 zamaze kwigarurira umujyi wa Bunagana n’inkengero zayo ,ingabo za FARDC zabonye urugamba rukomeye ziyambura imyambaro ya Gisirikare zambara iya gisivili zihungira mu biturage, abarenga 50 bahungira muri Uganda.
Uru rugamba rwarushijeho gukara Ejo ku Cyumweru guhera saa 11h30 kugeza saa 13h00 mu gace ka Bunagana,ubwo ingabo za FARDC zagwaga mu gico batezwe n’inyeshyamba za M23 zikabarasa bikomeye kugeza ubwo batabaje ingabo za MONUSCO zikazana indege zigatabara Komanda wa Operasiyo ya Sokora ya 2 Gen. Maj Cirumwami Peter uyoboye uru rugamba.
Kugeza ubu uyu mujyi wa Bunagana wamaze kugera mu maboko y’inyeshyamba za M23 nk’uko baherutse kubitangaza bavuga ko kugirango bicungire umutekano bagomba gufata uriya mujyi kuko ariyo nzira ingabo za Congo zinyuramo zije kuzigabaho ibitero.
Amakuru dukesha Goma 24 nayo yemeza ko benshi mu basirikari b’ingabo za Congo bihinduye abasiviri, kuko bakuyemo imyambaro ya gisirikare , imbunda barazijugunya bahungana n’abandi baturage bose.
Umuhoza Yves
