Ishyirahamwe ry’Umupira w’Amaguru mu Rwanda, ryahagaritse Muhire Henry Brulart wari Umunyamabanga Mukuru waryo kubera amakosa yakoze agomba kubazwa.
Muhire Henry Brulart yari amaze amezi atandatu kuri uyu mwanya dore ko yatangiye inshingano mu ntangiro za Mutarama 2022.
Itangazo ryashyizwe hanze na FERWAFA kuri uyu wa Mbere tariki 20 Kamena 2022, rivuga ko kuva kuri iyi tariki iri shyirahamwe ryahagaritse Muhire Henry Brulart.
Iri tangazo rivuga ko yahagaritswe kubera ibibazo byamuranze mu kazi ke kandi akaba agomba kubazwa inshingano.
Muhire Henry Brulart yahise asimburwa by’agateganyo na Delphine Uwanyiligira usanzwe ari Komiseri ushinzwe amategeko muri FERWAFA.
RWANDATRIBUNE.COM
